اخذ التجارب من زمانك وفتهم واخذ العبر=وعليك بالطيب ترى الطيب قويٍ محزمه
قدمك سفينة نوح قد غرقت على روس الصخر=برض العراق اللي لك الله كل من جاه ارجمه

انا احمد الله مغتني والحمد لله والشكر =والسابق اللي معي .. في علم النشامه مقدمه
المخطيه ماهي مصيبه .. والمصيبه فالبشر = اللي يفك الباب مايعرف خراجه بسلمه

ماكل من يبغى السباحه ياولد عمي قدر=غديت فاللجه ورح لبليس جود معصمه
بعض السحاب يمر للاوطان مايمطر مطر=لكن خل السالفه يابن الاكرام امدمدمه

مازم نيشاني ولاكن مقصدي فات ودبر = وبليس والله يابن عمي كل ليله نلجمه
السيل سيل والعما .. مشر علامات الخطر = يامدعين المعرفه .. العلم لحدن يخطمه

العلم واضح بيننا وابغاك تطمرها طمر=تسري مع البيدا ومن يمسك رسنها يلزمه
خل العمى يبلش بها ياطى على مثل الجمر=انا ماريد القاف يمشي مع رجالٍ تضلمه