لاتحاول ياعميل الخير تصنع مستحيله =ثلبنا من قوته صلبه عظامه ماتثنى
كل حملٍ يالعتيبي فالمواقف نرتكيله = ماتزعزعنا البروق ورعدها لوكان حنا

كل علمٍ له دليله كل دمٍ له فصيله=والعرب ماهيب تجهل فالزمن غزوة مهنا
تبرق ابروق الحيا والسيل ماشفنا مسيله=وان حضرنا سيفنا من خصمنا دايم محنا

صح علمك وان قرب خشم الزناد من الفتيله = لاتعنا يالمعنا فالقسا مغير حنا
عام الاول سايقينك من ورا بيضا نثيله = والسنه هاذي تحاول في وطنا يالمعنا

المشاركة الأصلية كتبت بواسطة فيصل القثامي (المشاركة 380138) محاورة .. قمة .. صحت السنكم .. يامحزمي .. لكن الصف .. صف أبوطايل .. وأسر ليلك .. يبوفيصل .. :) ..

عام الاول شلتها مابين ثوبك والفنيله=فيك ذل وعايشٍ مابين شك وبين ضنا
لاتعاتبني وانا سويت كل المستحيله=وانت وينك يوم شبت نارها والنجر دنّا