ألا ياصاحبي جار الزمن وانته عليه تجــور=صحيبك ناقد المعنى يسويها ولد بــلام
وخلك في طريقه تلعب الموال فالمجـرور=على دانه على دانه واخذها صورة ٍبأفلام

ترانــا ما نحــب اللــي يواعــدنا وعــد بلـــفور
يواعدنا على وضح النقا ثم يخلف المقدام

أنا لي منهج(ن) واضح وفعلي دايم(ن) مخبور
وناس(ن) تخلف النية عساها ما تعيش أعوام

انا ماحب مدح النفس يالغالي عليك الشــور=تجنب واحد ٍ ينقل حزامه والحزام إلــزام
وانا خابرك تلعب في قراها والعيون لـــــــثور=تتبع واحد ٍ يدرج على هونه مــــــــع الازلام

تراها ما تبين ألا بعد ما يكشف الدكتور
يبالك ضربة معلم وأظنك يا ولد منظام

ترا ما كل من شال الحزام نوّصفه منعور
بعد ما تالد الحبلى تحيزم من عنا الآلام

سواتك يأكل البرشوم سواتك يشرب الكافــور=تسد اللازمه ياصاحبي قالوا عليك العــام
ثمان ازيود من صنعاء يدفونك على الناعــــــور=تعين في مقاديمك ترى خدك عليه لثام

اقول السالفه وانته تبالك مطرق ٍ فالــزور=نحط الك القيود الطارفه ميسم عليه كعــام
خليط مسيلمه مثلك عليها والعرب فالــدور=حرام انك عتيبي قدمها والسالفه بوهام