حياك الله يااخونا عدواني الطايف



ونعم ببني عدوان



لكن ياأخي سألني مره خويي يامي يقول معي في ارامكو واحد يقال


له العدواني ويقول انه عتيبي


فكيف تبا الواحد يجاوب وهو يعلم ان العدواني ما قال هالكلام


الا لأنه يبا يبين لهم ان له عزوه وبني عدوان ما فيهم قصور


لاكنهم شوي .


كلنا اخوان عاداتنا وحده واصلنا واحد

ماعلاك زود ياعيم العقل

ماعلاك زود والله يبارك فيك ويحيك

وترليون نعم في عدوان

حياك الله ياخوي سيحان

اما بعد دام انك ذكرت ان اليامي خويك الي في ارمكو اتوقع رامكو الشرقيه صح قال انه فيه واحد لقبه العدواني وقاله انه عتيبي فحاب اقلك انه يمكن فيه تشابه اسماء بينهم وبيننا فهناك العدواني في القصيم وهم من بني تميم والعدواني في الشمال ومنهم مريبد العدواني العنزي وكلها تشابه اسماء وانا متاكد ان الي اخر اسمه العدواني مهب من جماعه عداوين الطائف وانه يبي ينسب نفسه عتيبه او ان يكون عتيبي يمكن عندكم فخذ اسمه العدواني عتيبه منتشره من حره رهاط للعارض ليا سوق حايل انشد اكثر

اما بالنسبه لقله العدد فهي ليست بعيب ونحن نعترف بها والسبب الرئيسي فيها هو هجرتنا مع بني عمومتنا من هوازن وخاصه بني هلال الى المغرب العربي

واذكرك بقول الشاعر

تعايرنا بانا قليل عددنا فقلت لها ان الكرام قليل

مع العلم انني لااخفى عليك ان القليل من ابناء القبيله يجهل بعض الامور الخاصه بنا ولكنهم قليل

واما مساله العزوه فكلنا نعتزي في شبابه حنا وعتيبه وعزوتنا وحده

ماعلاك زود يالعصيمي

لاشكر على واجب يالوذيناني النفيعي وانا احب النفعه والعتبان كذلك

مشكووووووووور يالعدواني والله ونعم ابك انت وعيال عمك

اعرف عدواني من الطايف يقول انه عتيبي


الزبده كلنا من هوازن يعني عزوه واحده

هلا فيك يالدعجاني ولاشكر على واجب وماعلاك زود ونعم فيك وبربعك

اخوي ربما يكون هذا العدواني الذي تقصده من العداوين المحالفين لقبيله عتيبه وهم مثل الخماميش المحالفين للقثمه من عتيبه وعلى اثر هذا الحلف فان هناك بعض الخماميش يقولون انهم عتبان بل ان هناك خماميش في اخر اسمهم الخماش العتيبي ولكن هناك خماميش يكتبون الخماش العدواني ويضهر ذلك في اوقاف جار الله بن حمود الخماش العدواني التي في مكه المكرمه شرفها الله والمعلوم ان غالبيه الخماميش يكتفون بذكر الخماش وقد لايخفى عليك انه عند الملك عبدالله حق مبايعته للحكم الي كانت في الحويه نادى المذيع الداخلي قبيله الخماميش من عدوان مع العلم ان قبيله عدوان كانت موجوده كذلك وهذا شي طبيعي فهناك مثلا قبيله العجمان من يام وقبيله يام لحالها وهناك قبيله سفيان من ثقيف وقبيله ثقيف لحالها


اما العزوه الوحده التي نشترك بها فهي شبابه

اما هوازن فان بني عدوان لاينتمون الى هوازن بل هم اخوال غالبيه هوازن

يكفي فقط ان سعد بن بكر امه من بني عدوان

وعامر بن صعصعه امه من بني عدوان

وهولاء الاثنان هم اجداد غالبيه هوازن

اما عدوان فان اسمه الصحيح :
عداون و هو الحارث بن عمرو بن قيس عيلان بن مضر بن مضر بن عدنان و هي من قبائل قيس عيلان من عدنان

الرابط الذي يجمعنا بكم في النسب يبدا من قيس عيلان جدنا وجدكم