| سعود العصيمي |
28-Jun-2007 09:50 PM |
سعود العصيمي=
الجذع سلطان جار البيت لكن مارآيته= ان بغيته مالقيته وان دعيته مادعاني
وان نشدنا عنه كلآ قال لله مالقيتـه= قلت ياتركي زميلك قال الي ماقط جاني
سلطان الجذع=
بيننا يالطيب أوشيقر ولبخـه والحويتـه=كنت جارك مير وقتي عنك يالغالي حداني
يالعصيمي لن بغيت الشيخ طق ابواب بيته=الحقيقه والصراحه من يدورنـي لقانـي
سعود العصيمي=
ماعتقد وانكان صادق ما يردك لا بغيتـه=عن رفيقك لايغيـرك الزمـان القلبانـي
انت يوم ادعيك مااخذت الكلام ولا عطيته=كيف تبغانا نطق الباب هذا علـم ثانـي
سلطان الجذع =
مااتغير عن رفيق شاهر بالطيب صيتـه=والله اني ماحسبته غير واحد من خواني
انت تدعيني وعذري ساعه الدعوه خذيته=لاتضويها على غير السنع عشر وثماني
سعود العصيمي =
لاجل هذا العلم سجلت الكتاب اللي قريته= مالتفت لواحدٍ مالـه مقـام ولا مكانـي
العذر مرة ومرة وان تعداهـا نسيتـه= لا تحوّص عن كلامٍ عندنا فوقه ضماني
|
