المشاركة الأصلية كتبت بواسطة مخلف الهقاوي (المشاركة 357010) الله .. الله اخوي السميري ..مبدع بمعنى الكلمه..تركيب رااائع للابيات ومعاني جزله.. الحقيقه الثلاث ابيات قمّه في الروعه لكن اكثر مااعجبني فيها تركيب البيت الثالث ابدعت اخوي بيّض الله وجهك.. وصح لساااانك حتى ترضى :)

المشاركة الأصلية كتبت بواسطة مرزوق العتيبي (المشاركة 357020) ... . بيض الله وجهك يامشرفنا الرائع.. .. . وبحول الله سوف نحاول ولو اني كنت افضل ان تكون المشاركات تبعث للمشرف على الخاص ثم تنشر مره واحده ... لانه هنا راح تنتهي القافيه ... والواحد وده يبدع من غير مايشوف مشاركة غيره.. وش رايكم؟

لا تحسب ان الوقت كله تساهيل = احيان ينبت شوك واحيـان وردا
خلك على درب الرجال الحلاحيل =والصيف حر ولا يجي فيه بـردا
لـو صبـت الدلـه بغيـر الفناجيـل =ماجا رجـال الكيـف للكيـف وردا

ياصاحبي درب العلا صعب بالحيل =دونه مسافـة جرهديـه وجـرداء
وقدمك لعكفان الشـوارب مداهيـل =قطّاعة الفرجه على كـل سـرداء
وان كان ماتقدر دروب الرياجيـل = عوّد وتلقـى واحـدٍ منـك وأردا

أن كان ماتعرفك صفر المعاميل!! = ولا تذبح اليا هب من شام بـردا
أرقد ترى مالك همـومٍ مقابيـل =أيضاً ولا لك عالي المجـد وردا
خله لذربيـن اليمـانَ المشاكيـل = ولّا الردي يعتاش ويموت فـردا

لا تحسب ان الوقت كله تساهيل = احيان ينبت شوك واحيـان وردا
خلك على درب الرجال الحلاحيل = والصيف حر ولا يجي فيه بـردا
لـو صبـت الدلـه بغيـر الفناجيـل = ماجا رجـال الكيـف للكيـف وردا

يـاصـاحـبـي مــن رادهـا يسهــر الليل = طـول الـمـسـافـه مـا تـهـم الـشــوردا
قـــدامــك الاجـيــال جـيـلٍ بـعـد جـيـل = والـوقـت لـوقـفـيـت يطـــردك طـردا
مـايـجـهـل علوم الرجـال الـمـشـاكـيـل = يــكــــود رجــــال ٍ نـصـيـبـه تـمــردا

قال الزلامي من حكيم التماثيل=نوادر(ن) عنبر على ريح ورداء
وجاراه ابن عاصم بجزل القاويل=لوكان قيفانه قويه وعرداء
الرجل فارس والمراجل كما الخيل=ويامكثر الفريس والخيل شرداء