يدوم الك البقا والخط فرعي لو مسكت العام=على وضح النقا والصيف له فتره وله كنّه
وانا بنشدك واللافي عليكم ياعربنا العام=يقال انه من اعيال البقوم وعلمنا كنّه

ترى بعض الدروب احيان لازم تتعب الاقدام= اقول الدرب منّه ياصخر وتقول لي منّه
يامسلم نعرف التاريخ محفوظً من الاقدام = بطيب وجاهً وقوه ظفرنا (مالحد منّه)

تقوله وانت ماتدري عن اللي باع واللي سام=وثوبك ماهو بثوبه وسنك ماهو بسنّه
صحيح ان العرب تبقا سلاله من ابوها سام=ولكنك صغير وجاهلن بالسيف ابو سنّه

علومك عفتها والقلب من يم السوالف شام = ماعندك حيله الا تتبع الحنه ورا الحنه
شبيهك نوب اشوفه فاليمن ولاّ في وسط الشام = كبير السن مار الشيب عانه فالشعر حنه

طيب طيب
استلم

علومي سمّها في وسط قلبك يا الشواوي حام=وعلى راي المثل لو ما فهمت البيت قم غنّه
واضنك لحقتن لناس تبقا من سلالة حام=تحسب الناس مثلك مافرقت الحرف والغنـّه

هذا انته فالسعه تهرج وياما شفت مناّ ويام = ياكبر احلامك الليله تبالك قصر من جنه
عتيبه عزها في سيفها وانشد مطير ويام = ياطرش البحر حنا مانكلم ناس منجنه