العود تال الليالي صار يمشي فوق مركاع= ماهو بمثله منول في قديمات الليالي
وعياله الصالحين اتعدهم في روس الاصباع=وباقي عياله على درب الغوايه والضلالي

دام الجنيه الفرنسي ياوسيع المعرفه ضاع=اليومه المشترى والبيع يرجع للريالي!!
الغرب يم العروبه وجهوا تسعين مدفاع=وبعض العرب خايف تطيح العمامه والعقالي!!

ماعاد فيها طماعه لو يجي عشرين طماع=من يارد ابلا دلو يقمح من الجم الزلالي
قال المثل مع مرور الوقت كيف اتزول الاطباع= تبقا الطبايع مقيمه لو يزولن الجبالي

ابضاعةً تنشرى وبضاعةً ماعاد تنباع=والتاجر اكيد من حقه يقول السوق غالي!!
يالطرقي اللي مشيت من النجيل الدرب لساع=خايف لياجيت للقاحه تذكيك العوالي!!

السوق غالي ومن لايوفي المكيال والصاع= يبعد وانا ابعد عنه ويروح مافاله بفالي
اتقولها وانت فالمركز خوي(ن)لابن قباع= وش دخلك بين ابن غانم وابو زيد الهلالي