يدوم الستر وانته ياوسيع المعرفه قلي=لياصار القصيّر مايقضّي لازمك خله
والا ياشاعرٍ مرسل له المرسول ما ارسلي=وانا همه واناغمه وانا انقض له وانا افتله

نواياك اتقلب وانت اكيد اتشيل وتخلّي=وحنّا قبل هذي قد دمحنا لك (100)زله!!
ليا اخطاء راعي البندق يقولون العرب(هلّي)=الا ياليت بعض الناس مارسلّي ولا ارسلّه

تحاول تقلب الحجه علي ولا انت ندٍ لي=وانا والله ماافكك لان ازوّد علتك عله
مادام انك جهلت السالفه ماانته بخصمٍ لي=تكابر وانت بادعها بلا مذهب ولامله

اجل وش سالفتك اللي معك يالحج متولّي=ليا صارت علومك طيش بسم الله وبسم الله
تحسب الكيف فالدخان والشيشه وراس اللّي=وحنّا مايكيف روسنا الا طبخة الدلّه

منول خابرك ما انته خفيف تسابق الظلي=لكن اليوم كبتنا ياكافي سابقٍ ظله
انا اظنك تكيف كيف باجمجوم ومجلي=مادام انك جهلت العلم وش دقه و وش جله