تنشد تقول انك من اهل الجوف وديار الشمال=وانته مع اهل الخيل الك مرواس والمخرج ملي
الصبر طيب والمحال يدور من تحت الحبال= والحق اله قاضي واله مجلاس والمخرج ملي

قلت انّ عندك علم توّه في جديدات الليال=انته مطوّع مسجد العباس والمخرج ملي
المشكله يمكن يجي فالسالفه كمّ احتمال=ثم يحرقون البن فالمحماس والمخرج ملي

يمكن بهذا الوقت في نص الشهر يطلع هلال=ولا يجي عباس بن فرناس والمخرج ملي
لا ترتبك ماني مضريها على الجرف الهيال=البحر اله سابح وله غطاس والمخرج ملي

البرق اشوفه والرعد نوحيه في نوّ الخيال=وعلم المطر يدريبه العساس والمخرج ملي
ترى الزلازل يالعتيبي ما يهزن الجبال=الله يا مكثر كلام الناس والمخرج ملي

مخدوم يابناخي فيها والحمول الها جمال= الزير يعرف هيبته جساس والمخرج ملي
لو كل عاقل يستمع في مايبث ومايقال= كان النصر ماياخذون الكاس والمخرج ملي