لو ما انت ذراعي الايمن وتدري ويش صاير= ماسمعت الذيب يالقاضي سرى يقنب قنيبه
باح صبري من زمانٍ شب في صدري سعاير=عندك الدعوى ترى الدعوى حراويها قريبه

السفر بقدوم وجهك فالهمات الكباير= لايخاف الذيب انا زبن الدخيل لياعديبه
اطلب الله بالفرج والله علام السراير=دام راسي حي ماتشكي يابن عمي غليبه

ياعسى من فوق راسك مايدورن الدواير=بيض الله وجه من يخلص طليبٍ من طليبه
ارسل المرسول والا عبر الاجواء جيت طاير=مايخيب الظن في حرٍ مخاليبه عطيبه