اقف مواقيف فرسان الوغا مانيب مثل الجبان = والعلم وصلك على وضح النقا مافيه شكه وريب
شفت القضيه وغلطة صاحبك كالشمس قدم العيان = وانته تشوف الخطا وتجامله ومجامل الناس عيب

الضيف ماله ذنوب ومن رجالً ما تحب الهوان=والجرح يحتاج نظرة عارفه راكد ومشرط طبيب
لومك على اللي يحول بالمطية في طريق الطمان= والا الزناتي عليه اخطيت يا ابو زيد والله حسيب

الضيف له واجبه مدبول ماينقص لقدره مكان = وانته وانا لاوردنا ناصل الجمه بجوف القليب
اليا صحبت اصحب الطيب على الماجوب عنده ضمان = ولا الردي لاعرض لك يالسنافي حط فوقه صليب