المشاركة الأصلية كتبت بواسطة بن زهران (المشاركة 316803) بارك الله فالرجال اهل الكرم من كل لابه = مير دوك الطيبه والعلم فالميدان عالي مانشدتك عن ظروف الوقت ووجوه التشابه = مير جاوب ياصحيبي حسب مظمون السوالي

التماسك والتلاحم فالعرب زاد القرابه=وانته تمثل شبابه واعرفك رجلن مثالي
التفرع فالبيوت يزيد مفهوم الاجابه=خل نظراتك بعيده واتّسع حسب المجالي

ماتقول الا الصحيح وجبتها في كل جابه = مير انا فارس وابحمي بنت ابو زيد الهلالي
الكذب والبوق ماهو ياولد طبع الصحابه = والصدق علم الوفاء بين العرب بين الرجالي

المشاركة الأصلية كتبت بواسطة بن زهران (المشاركة 316868) ماتقول الا الصحيح وجبتها في كل جابه = مير انا فارس وابحمي بنت ابو زيد الهلالي الكذب والبوق ماهو ياولد طبع الصحابه = والصدق علم الوفاء بين العرب بين الرجالي

انت فارس مير فوقك من معازيبك رقابه=وان خلصت من الرقابه صرت حمّاي التوالي
لاتصدق كل هرج يجيك من ذيك العصابه=ولاتحلل فالحرام ولاتحرم فالحلالي

ياطريد القافله والعلم عند اهل المهابه = مايخصك مير بعد قبل لا نعلن قتالي
انت ياقاري حروف الابجديه والكتابه = تعرف ان السالفه من جد وان الشك زالي