ماذمكم وسهومنا فيكم توقع فالنحور=يومنها بسيوف وارماح اسمع العلم اسمعه
ماعاد الك حيله ولا تقدر تلف ولا تدور=قدمك مهذب في يدي طاح اسمع العلم اسمعه

الشلفا اللى فى يمينى جالها فالقوم دور = يوم انها بارود وسلاح ( اسمع العلم اسمعه )
انا على ظهر السفينه كان كبرن الامور= والبحر به حوته وتمساح ( اسمع العلم اسمعه

انشدك عيّنت العقيد اللي تعشّته النصور=من فعل كسابين الامداح اسمع العلم اسمعه
زال الجنازه ما استلمها اللي يحفرون القبور=ماني وانا الفالح بمرتاح اسمع العلم اسمعه

عقيدنا يهوى عليكم مثل هويات النسور= الفعل محفوظ ن بالالواح اسمع العلم اسمعه
حنا وصلنا لسماء ولاانت سهمك فى حدور= شركتك خسرانه بلا ارباح اسمع العلم اسمعه

عقيدكم مشروب فنجاله وميت ومخبور=وغيره وغيره كم وكم راح اسمع العلم اسمعه
اثرك يالنادر تكلم وانت ما عندك شعور=مدام فالمطران قرقاح اسمع العلم اسمعه

تذكر الراس الكبير اللى تعشته الطيور= بسيوفنا كم راحت ارواح (اسمع العلم اسمعه)
خربت وشانت طبختك يلى تحوس بالقدور= وش عاد لوقلت القدر فاح (اسمع العلم اسمعه)