ماعلاكم زود ياراعي الرد البديع = شاعر ٍ لاختار يختار زين اطروقها
كيف تعشق واحد ٍ مامعه عرف وصديع = بعد غاب اللي تمناه وسط اعموقها

ياوجودي وجد قحطان في موت الفديع=كثرت الشجعان والجوع طق احلوقها
وش بقا في حيل مرزوق واللي يستطيع=ثم تعلن مصر حاكم بعد فاروقها

لا توجد يابن عمي وحلم الله وسيع = الله اللي يعطي الناس من مرزوقها
انت كانه معك علم ابتده وانا سميع = يوم صدرك للسوالف فتح مغلوقها

الرجا بالله وصون الوداعه يالوديع=لاتلقفها رجال ٍ قليل اوفوقها
أطلب الله يتجاوز عن أصحاب البقيع=يوم حلو النوم جظ العيون وموقها !

الامانه صانها الله بيدين الشجيع = يوم بعض الناس قص القهر معلوقها
انت لاتقاطع ترى في غيابك مانطيع = كل ماحصلت وقت المثايل سوقها