ترى الهرج مايصلح بليا براهين = وقدم الذيابه ماتعيش النعامي
نبا نضرب اخشوم الغزاه المغيرين = ومن طاح منهم فوقه الطير حامي

ليا صار فارسنا يهز الميادين = يعجل بضربة سيف ولاّ سهامي
تبى تنشد العربان والناس لافين = تنبه تنبه ياعمود الخيامي

ابشرك فرسان القبيله كثيرين = ليا وصل عج الخيل حول الغمامي
وحنا عزاز ونحترم للعزيزين = ومن جايدوّر شر يغدي عدامي

وهم لابتي روس الحراب الطواعين = ومن سمع طاريهم يعاف الطعامي
وانا اقول لك وانته صعوط المجانين = ونور الصبح يجلى سواد الضلامي