يا مرحبا ترحيبةٍ توصِلْك مستشفى شهار = حيث انك تبني الخيمه بلا عمدان واطنابي
تقوله فالسعه لكن لا مني قبست النار = ركزت الساق للطاقه ولو نفتح لك البابي

اللي يرحب داخله هذا كلام بلا غبار = حيث انه صاحب المنزل وانا دكتور طبابي
ليا منك قبست النار اقول (هش ) وقدها حار = وانا ماودي اكوي لحمة لسانك بمشهابي

انته زبون شهار لكن جاء الطبيب المستشار = حرام ان ثارت جنونك لهجّدها بمشعابي
تقوله مير ما تثبت فعولك داخل المضمار = ركبك الحق يا الروقي وانا للحق طلابي

انا زبون شهار جبتك للطبيب ابو منظار = وأحالتك مستعصيه ويومن جيته اتبابي
حنا بلشنا مع جحا يومن دق له مسمار = وباع البيت لكن قال مسمار و بحسابي