تبقون يأهل الطيب واهل الجود ساعات الطلب=واللي يبا الرحمه لابده يطلب الغفرانيه
حنا هل السيف الحدب حنا مطوعت الصعب=اليا أحتمى الميقاف ياللطّام فالميدانيه

كل القبايل فعلها معروف في وقت النشب = والظاهر انك من بني عمي من العتبانيه
حنا رياجيل الحسب حنا عريبين النسب = ولك الفخر ياللي ربطك الاصل في عدنانيه

كل القبايل والنعم وأصل الرضى عكس الغضب=أرفق على حالك علامك جيتنا زعلانيه
والهايله وفطنلها والعلم أله راس وذنب =قدام لا نجلدك ياللطّام جلد الزانيه

كنت اتعامل معك بالذوق الرفيع وبالادب = ياللي على ظهرك نويت احط حبل السانيه
اقول وقف عند حدك لاتحرش بالشنب = اكبر خطا العاقل يجي يلعب مع الورعانيه

حنا على سلم العرب والعين يكساها الهدب=شبيت نارك واعمّسك من نارك الدخانيه
مادامها وصلت كذا نادولنا فرقة شغب=قدام لاتشتالها وسط الضلوع الحانيه

النار الى شبت تراك اتصير من ضمن الحطب = واشهد بربي مانويتك نية الشيطانيه
نويت اسولف معك والتقدير من عندي وجب = واثرك من اللي قدم السيّه على الاحسانيه