| العساف 1 |
07-Nov-2006 09:02 PM |
يابقعاوي ياويلك من الذنب الي بيجيك نثرت الشاهي وطفيت الزقاره ومطحمز عيوني في الكميوتر ليلي كله ودورت القلم ولقيته ولا لقيت ورقه وكتبت على شيك اخذه من واحد اطلبه لي خمس اسنين بالقوه والواسطات يالله عطانيه ووقعه كاثبات ولا ترى ماعنده رصيدبس خليته يوقع الشيك عشان مايجحدني المهم جلست اكتب الطريقه حبه حبه عقب دريت انه مقلب من الزعل قطعت الشيك واتذكر اسم امي ونسيته وجيت اسالها وهي تحذفني عقب اصريت اتها تعلمني وشافت الموضوع جد العجوز الله يهديها ويخليها الي تحسبني سكران المهم انحشت من عندها ورحت عند ابوي وقلت له بوي وش اسم امي قال وش قلت وش اسم امي قال ايييييييييييييييييييييييييييييييييييييه وش اسم امك هو كان منسدح وهو يجلس وقدامه دلة قهوه فاضيه زد شربها وهو يحذفني ابها وهي تخطيني وتصقع التلفزون لاهو تسعه الاف قطعه وهو يخم البراد ويحذفني ابه على الجبهه لا هو محولها هو ياخذني اخوي للمستشفى وهو مايدري عن السالفه وفي الطريق قال علام الشايب علاك قلت علاشني سألته عن اسم امي يحسبني سكران قال اخوي الله يهديك يافلان تمزح مع الشايب كذ قلت انا ماأمزح انشده صدق قال بلاااااااااااه ماتعرف اسم امي قلت لالالالالا ماعرف اسمها كله من البقعاوي الله يسلمه لاقدامنا محطه ووقف عندها قال هاك عشره عطنا دخان عاد المحطه تبعد عن بيتنا خمسة عشر كيلو ويوم فتحت الباب ونزلت رجلي اليمين وهو يتل الموتر بثنين ليني اتدربى في الزفلت قال خل البقعاوي ينفعك المهم انا هالحين تعبت من الكتابه اكمل القصه بعدين |195|
|
