يا كبتن مناحي هلا يا مرحبا بك يـا غـلا=عقب الغياب المنجلي .. جعلك معاد اتعودها
عطنا علومك يا مناحي بعد ما الليل انجـلا=من عقب ما جوّدت راحلتك علاها اشدودها

ياربعنا ياهل الوفاء (دام البقاء)تنصى(هـلا)=ابقاكم الله والرجال تجـود مـن ماجودهـا
انا ترانـي مادخلـت المنتـدى غيـر اوّلا=وابا ابحث الشعار واعرف نقصها من زودها

انته كما روس الملا وانا كما روس الملا=ديره كبيره يا فتى كل(ن) يعرف اعدودهـا
قالو لي امناحي تغيّب طول يومه ما سـلا=قلت البلا ؟؟ قالو عوار(ن) تونسه فاكبودها

ياربعي العتبان شوفتكم حلا+حلا+حلا=وانا على الميقاف وفعول الرجال شهودها
الله يسلم ربعنا والله يعدينا البلا=والشجره اللي دوبها ماودي اكسر عودها

انته غديت وراح معك العام من بعض ازملا=واللي تعرف القافله تعرف جميع اصعودها
يالله دخيلك من رجال(ن) مع سراييل اعملا=يا جعل ربي يا مناحي يفسد اب بارودها