الشعر يا صاحبي فالجزل لا تحرمه=واهل المواقف على الطالات ما تحرمي
ان كان جاء يا رفيقي احتم الميسمه=نبغا على فخذه الايمن صلي ميسمي

كل(ن) لسانه يترجم ما يخط قلمه = ان ما سمعت الكلام اقرا لخط قلمي
كل فارس(ن) في ميادينه يرف اعلمه = لكن ما ينكسر في كل لعب اعلمي

ترا النفاعي محد وسط الملاقا اضلمه=ياراس حربه تراجع قدم لا تظلمي
اعطيه هرج(ن) وهالرّجال ما يطعمه=لا كنّ خلوه عندي لين به يطعمي

ابو نجر يفعل الفعله وينكر فمه = وانا الدلايل جعلها الله بمنطق فمي
ليا فضا من ثمينات الذهب منجمه = عوّد يدوّر سلف من غالية منجمي

ترا الكذب يا وسيع العرف لمسيلمه=وانا احمد الله يا رجّال انا مسلمي
نذر(ن) عليّه هذاه اني لكم لفحمه=يا بطّرايق نسردب لك علوم افهمي

المسلم اللي عن الزلات ربي اعصمه = يدعي لكل مسلم ان الله لهم يعصمي
الراعي اللي خلط بالذود وسط غنمه = وش لون يبغى بسوق اهل البلد يغنمي ؟!!

لا تحرم الداعي يا ربي من المكرمه=ماهو مغيّر بنا ماهو مفوّر دمي
كلمتك هاذي خطا رح راجع المحكمه=شكّكة يا زيه الماخوذ فالادمي