الا يامرحبا في ماقف الترحيب = يالي تسلم هاك منا كاشها
وكلت نفسك عن صغار وعن مشيب=اعن الدواسر عايضا طراشها

ابك البقا ياشاعرن حاضر ينيب=حذرا تزل الدرب يامطراشها
الدوسري شاعر وللعله طبيب =مافكر بناسن يزود اتياشها

ذياب فالميدان سقم(ن) للحريب=يافارس السمران ياهواشها
وليا عطيتك سم في جوف الحليب=روس الضبا ترتاع ياعراشها

لاوالله الا صرت لقمه يا صحيب=يافارس الطخمان يا طواشها
لاصار فالدنيا معك حظ ونصيب = بعض الثياب البيض مابقى اقماشها

الحر حضه في زمانه مايخيب=والعبد للتخمير بين أغراشها
اقرب من الميدان جيب اللي تجيب=النار تحرق يدك يانواشها

الحر مخالبه ترى عيا يطيب=والعبد يفرش ناس فوق افراشها
ماودنا نجرح شعورك يالحبيب=واسوق راويها واسوق اعطاشها