انت خلّ الهرجه اللي توردها سبيل=اشهد انك رحت فيها وجاكم دورها
يشهدون اللي مسكها وتشهدها الرجيل=عانها في موقفك ثابته في جورها

ابتلشنا في علومك وزدت القيل قيل = العرب ياصاحبي لاتخلي شورها
كان فيها عيب ياخوك نعزمها رحيل = كل نفسٍ عاصيه مانطاوع طورها

انت رجال(ن) غريب(ن) وهرجك لايطيل=العرب ياصاحبي ثابته في كورها
ابك يامرزوق شوفه ترا هذا هبيل=ويش جابه عندنا حملو في اظهورها

عندك الميزان وانته تغير كل كيل = قالوا ثور وقال ياناس نحلب ثورها
الورع لاقام يبكي ينادي من يعيل = والعرب ياخوك تفتح قصور اصدورها

عندي الميزان يا صاحبي وانته خبيل=والله انك ياصحيبي معي لتخورها
الحريم الدايخه ماشيه فاخر مديل=والبيوت المحكمه لاتجي مع سورها

شجرةٍ ماهي كريمه ولافيها ظليل = وش تحصل من جناها وطيب ثمورها
ماشيين بطبع ربعي وجيلٍ بعد جيل = مار لاتقرب من الغاب فيه نمورها