اسمك اذياب منت بذيب يابن الحلال = والعرب ودنا نخفي عذاريبها
فالدروب الطويله استرح فالظلال = لاتضيع بدروبٍ منت تدريبها

أسمي اللي ينومس بين جمع الرجال=حافظن لحيتي من عز أشانيبها
فالدروب الطويله روح ولا تعال=الليالي ترى ماحد(ن) علم غيبها

نعم لكن تغيب لياضرب جال جال = والحقيقه عطيباتٍ مضاريبها
اعرف ان الفتى في كل شيٍ ينال = والعزوم القويه في مصاعيبها

كيف تظلم ذياب وماقفه لا يزال=روح وأنشد قرابتها وأجانيبها
أخذ ماتقدره لن كان جالك مجال=واترك الكايده تصفي مشاريبها

انت طيب وصابك رعدةٍ وانفعال = خلقت الله وانا مدري شسويبها
كل كايد نعسفه بالعصى والحبال = عسف عسف المطيه لين تمشيبها

المشاركة الأصلية كتبت بواسطة ذرب اليمين انت طيب وصابك رعدةٍ وانفعال = خلقت الله وانا مدري شسويبها كل كايد نعسفه بالعصى والحبال = عسف عسف المطيه لين تمشيبها