المشاركة الأصلية كتبت بواسطة الطوفان مايروعني ياكود البعث في يوم الشفاعه= غير هاذي مايروعني فلان ولا فلاني

البعير الي غدالك وش تسبب في ضياعه=يوم شفتك عنه تنشد طار نومي ماهناني
صاحبك صامل فضولي لاتبرق في طباعه= وانت ابن عمي شقيقي مسندي سيفي سناني

الامور هوينه من محزمي ضاعت سراعه= مثل غيري يوم ضاعت عشر من فوق الثماني
انت ياصامل مسويها على المسلم لكاعه= يوم ياصامل تعزوابي ويومٍ ماتباني

الإمام المهدي الي قد أمرتم باتباعه= هو طلع صحيح ولا غرني علم لفاني
يامصلي منفرد يابوك صل مع الجماعه= سبعه وعشرين تحسب لك ياطلاب الحساني

لو نشوف المهدي المعصوم له سمعٍ وطاعه= وانته احرص لاتجي ضده تضيعك الاماني
انت تفتي لابسن بشتك وصوتك في الاذاعه= وانت ماتعرف ولا تدري عن السبع المثاني

أنت تهرج عن فلان وعن شعوره وانطباعه= مير قول فلان مما يشتكي مما يعاني
ياولد ماشفت شي يظهر أسباب القطاعه = كان عندك علم نورني تراي الموت جاني

ليه ماتنشد ولد عمك عن علوم البضاعه= ثم تسمع من لسان الشخص ماهو من لساني
صاح له صيحه وشفنا اللي يبا يلوي ذراعه= ثم قلنا قولنا لكن ماحصل مكاني