تقوله بعد ماطوّيت صحفها وجفت ألاقلام=لاكنك لاتمد إيديك يم الجحر والدابي
ترى ذيبان سامحلي والأيداء يالثبيتي نام=ومرزوق العتيبي قال حطه لقمة النابي

يابو فيصل توقع لاتغرك كثرة الاحلام= تحكم في لسانك مايجيك اخلاف وحسابي
يامقعد لاتسوي في البلد باشه وابو عرام=هذيك البنت غيرك جالها حاكم وخطابي

ولا ياللي تهز الراس هز الراس للحجام=لك الله ماتروحبها كذيا بين الاصحابي
بعد غيرة رحلتها من المغرب لوجه الشام= نويت أعلقك مابين جنحاني ومخلابي