شاعر ومتمكن و اهز الطوابير=عندي ثقه فالنفس والله كبيره
ماجبت شعري مقتبس فكرة الغير=ومعاني ابياتي سيوفا شطيره
فالملعبه ماهاب صوت الجماهير=افرح مادام اعدادهم جت كثيره
قافي يجي من واقعي فيه تصوير=عقل وفكرواحساس عندي يديره
فيه الخيال اللي تعدا شكسبير=لالا فرزدق ضد خصمه جريره
بالانجليز اصير انا الشاعر السير=وبهرجنا مافيه شكه مديره
مدة شهر و اصيرضمن المشاهير=في كل مطبوعه لقاءء وسيره
وابشهرتي منافسن بوش وبلير=ويعلن جديدي في قناة الجزيره
والمختلف معها فواصل مسايير= قدام باب البيت عز الظهيره
نجاح تزهم صبح مع ليل وعصير=تبي لقاءلونص ساعه قصيره
والمعجبات من البنات الغنادير=من كل فج وكل دوله وديره
اي ويل باك العكس go and كوم هير=لغه واترجم لي معاني اسيره
تعبير في تعبير ياناس تعبير =صارت قوافي يالعقول الكبيره
اجل لوني باحترف شعر شيصير=يصير حلقه في مسلسل اخيره
نهايته ما تشبه لسالم الزير=عقب المعزه ذاق طعم المريره
يمكن اشبهها انا حرب تحرير=والجيش عقبه مانقص لو ذخيره
فيه الغنايم من ذهب مع دنانير=واللولو المرجان معها حريره
باكتب علومي دون كذبا وتزوير=حقايق مني تراها خطيره
كم من قصيده تشتهر للهوامير=وانا الذي يكتب وتنسب لغيره
مانيب معلنها على الناس تقدير=ربي يحب اللي يحب الستيره
اسمي سعد ابن الرجال المناعير=وربعي عتيبه كان تبغا العشيره
الاسم فالتوقيع و الصورة لطير=صمم عشاني والدلايل وفيره

مع اطيب وارق التحايا