يدوم البقا معذور ياصاحبي معذور=انا خابرك من ناس بالخير مذكوره
مااذمك وتوفي بالوعد ماعليك اقصور=وابا اقرا عليك الفاتحه بعدها سوره

ترى الموج يمكن لطمته تقلب البابور=الامواج منهيه والامواج ماموره
لا تقرى عليه ..دور صحيبك المسحور=لعلك تفك السحر وتصير دكتوره

يبا الموج يرسي والبوابير فيه اتدور=الامواج يالكبتن هالايام مقدوره
تستر لكنك منكشف سرك المستور=ونفسك على ماصار ماهيب مجبوره

انا يالشمالي مانزل الوادي المدهور=اقص الحياء لو كان ي راس تنوره
سترنا الله بستره ولا به علانا قصور=لكن انته المكشوف بالصوت والصوره

المشاركة الأصلية كتبت بواسطة الكبتن مناحي طيب طيب انا يالشمالي مانزل الوادي المدهور=اقص الحياء لو كان ي راس تنوره سترنا الله بستره ولا به علانا قصور=لكن انته المكشوف بالصوت والصوره

ياكبتن بدا لي فيك تال الليال اومور=لا تتعب تقص الذيب مايشبعك سوره
انا ما اتستر دامني في وكور اصقور=انا ابدي ولا فى الوجه ياصاحبي عوره

انا اقلط على الفطحه ولاني من أهل السور=ولا اشاور الا ناس في مجلس الشوره!!
ليا ماتستر صرت عاري وجورك جور=ومدام القمر سطعش خلك مثل نوره!!

ماقلنا عليك اخلاف والواردات اصدور=ياكبتن مناحي لاتسطر لي اسطوره
وحنا نعرف الحر الاشقر من العصفور=وكلٍ يقيس لقمته حسب حنجوره