ترى الخطا طبع ماهو في كرام السبال =ذكرتني من تدف الضلع بقرونها

ولو كنت توحي كلامي كان جالك مجال=لاكن خلك بديره شحت مزونها

الا خوان فيصل , وليد, مرزوق صحت ابدنكم والله يعطيكم العافيه على المتابعه والتشجيع المستمر
واستلم يالبناخي
والله مايرتكي للحمل غار الجمال = والناس تمشي بسايرها وقانونها
كيف(ن) ميقطع ضرم يقعد بوصط الدلال = ونارالبدو خامده في وصط كانونها

لن شلت سيفك غضب بكره تزين الليال=ياقو ناس(ن)تحمل كثرة طعونها

وان كان مالك جدا بالعلم روح وتعال=حتى تشوف الثمار تميل بغصونها

منته بقادر تداحم شامخات الجبال = تبا وراء هقوتك وتعود من دونها
الزورثلب ومعقل في قصار الحبال = ياحبتن قام يدرج سير طحونها

مدري طبوعك تحب الشمس ولا الظلال=ياراعي (الددسن)اللي عاب طبلونها

المشكله في حظيظ(ن)طاح حظه ومال=هاذي عليكم مصيبه ماتحلونها

نوبن علومك يمين ونوب ترجع شمال = دنياك قامت تعكزلك على شونها
والله مانستمع في قوم قيلن وقال = نبا نصفق على ليلي ومجنونها

بناخي العتبان والنشمي
واصلو انا متابع
معاكم

لن كان ضايق من الموضوع واللعب طال=دور على لعبتك في وسط كرتونها

وانا عيوني على العتبان في كل حال=لو كان عينك سقيمه شلت جفونها

الوليد العتيبي الله يعطيك العافيه
وحياك الله يالغالي