ولو يقدر اللي قال للعلم سواه = وحنا معاكم ما نحب الغليبة
قليل الحيل يشرب من البحر ما أسقاه = عسى نو خير إليا بداله يصيبه

طبيب العلل يعرف لك الداء مع دواه=والا يا عطيب الجرح جالك طبيبه
ونو السماء ما هو مثل ما انت تبغاه=يشيلك ليا وقفت داخل شعيبه

أبا أجزاه فيما قال لا بد نجزاه = وحوله يدور الشك والشك ريبه
تبا تستريح بخير والموت تلقاه = وتسري بليل أظلم ولا ينسري به

تضيق السعه وتقول لي ها ثم هاه=وتشتالها بالطيب والا غصيبه
وماجد طوال الدرب ما يحسب خطاه=ولا يدري الماخوذ وين يغديبه

علومك ضعيفه فأول العلم وأتلاه = وتشبه لذيب ولأنت .. فالضلع ذيبه
أعلمك وأنت العلم تذكر وتنساه = أكسبك لين تروح بالراس شيبه

فعولي فعول الذيب سرحان للشاه=ولو يحبسون الشاه وسط الزريبه
وليت الهذيلي يلتفت يم مرماه=يشوف الهدف من راس كبتن عتيبه