ماني وانا معدي عشير الطيبين الغانمين = أرجع ورا يا با الثرى والعلم يا هذا بحر
لو كان حرف العين تحت اسمك نحطه حرف غين = تصبح حقيقه يا البناخي منّها مافي مفر

لن كنت ذيب من الذياب الذيب ماهو بالحصين = وإن كنت مهما كنت معنا ما نحصلك أثر !!
الحاسد اللي لد وألا صد قام يصد عين = روّح لحاله ما يبا يلقى مفر ولا وزر

ترى كلام النت يا ماجد خفيف ولا متين = لا تستتر بالثوب ابورقعة ترا مامن ستر
محشومه ارجال المعرفه والوفا وامكرمين = افرح بها لما تغني للعرب أسمر عبر

الليله الليله مبينت الهزيل من السمين =تبعد وتقرب وانت ما بين السلامه والخطر
قلب فطين ومحد داري بك ترى قلبك فطين !!= والسيل شالك من على الوادي وحوّل بك حدر

قال المثل الإذن وحدة طين والاخرى عجين = سوّقتها يا صاحب السلعه على رخص السعر
اهرج وسولف ما بدالك مثل نغمات الرنين = وليا مللت اليوم منك بشكرك ثم اعتذر