المشاركة الأصلية كتبت بواسطة ذياب لكن بكره أترقا وأفصلكم كلكم خاصه أنت وخلف مرزوق ههههههههههههههههه هههههههههه

أن تسان شديت حالك ياذياب الخيل = حنا هل الخيل من وقت أبرهه والفيل
متوارثين الشجاعه جيل عقبه جيل = والخافي أعظم وعلم الغيب عند الله

لاتحاسب ولا منا يجيك الحساب = مانجيب العلوم ولا تجيبونها
أنتبه للقبايل عندنا ياذياب = سالفتك القديمه لاتقولونها

من شان نفسك يابو تركي مانجرحها=ماني بمطري سوالفنا وأبا أمسحها
مثلك وشرواك نضحكها و نفرحها=والخافي أعظم وعلم الغيب عند الله

أنت حرن ليا ناشك جناح العقاب =الديار الوحيشه ماتمرونها
كيف تنقض كلامك ياعزيز الجناب =ليش شلفا العطاوي ماتسلونها

أن تسان ودك مع الظلما تبا تسرون = لابد تعرف وش اللي بالقدم تاطون
الصاحي اللي مايتبع هرجة المجنون= والخافي أعظم وعلم الغيب عند الله

حرٍ أشقر ويرقى في علو الهضاب = وأنت مثله على الضلعان ترقونها
العناوين تقراء من علو الكتاب = ليتكم مثلنا ياذياب تقرونها

خل المجنن وأنا فاللعب أجننها=أفك بيبانها بالعون ضامنها
واللي تمسكن ماينفعها تمسكنها= الخافي أعظم وعلم الغيب عند الله
ذيبن أشهب ويرقا فالجبل مايهاب=يابن مورق قديمه ماتمشونها
عشت يالشاعر الايداء حبيب الشباب=السلامه تلوى في درقسونها