ياذياب ياللي جيت ساري جاك علمي جاك جاك=شوف الجزيره كان باقي ماسمعت اخبارها
بعض السوايا يالعتيبي ماتسوّى وش بلاك=واللي عرف ميرادها جعله عرف مصدارها

المشاركة الأصلية كتبت بواسطة الكبتن مناحي تعال...ياذياب.. اثَرَك تنقز في نحور القوم ماشاء الله علاك=حتى نقزت النقزة اللي ماسلمت غبارها

المشاركة الأصلية كتبت بواسطة ذياب السيف ابو حدين ماحطه فبن عمي هذاك=لا خير في قومن تحط أسيوفها في جارها

يالكبتن مناحي ليا شفنا دخل فيك ارتباك=ترى الجزيره ماهضمنا شكلها وشعارها
في ذمتي لو ماتجنب يامناحي عن خطاك=ترى أكثر العربان فالميدان نلعن عارها

ياربعي العتبان مابين الرفاقه لا يصير الاحتكاك=ترى الليالي شرها قام يتعدّا خارها
واليا حضرنا ياوسيع العرف لا ترفع عصاك=وان كان غبنا شرهة الوقفه على حضّارها

يالي بنيت القاف لو أنك تناضر في بناك=وشلون تزبن في بيوتن مايذري دارها
أمسح يمينك في يسارك زال ربي ماهداك=والناس مابغا داخل الميدان كشف أسرارها

ياذياب حنا ربعك ولا ودّنا نبحث خفاك=ماودّنا نجيب العلوم اطوالها واقصارها
المسح لا تطريه خله عنك يامعطي عشاك=للي ليا اوحتك التوت بالخيمه وتيزارها

أدفن يدينك وأدفن أسمك يالبنادم في ثراك=ليش الجمال الصفر ماتحما أمهات أحوارها
هاذيك مثلك يامناحي في منافعها كماك=تقصر شبورك ماتساوي مدها وأشبارها