المشاركة الأصلية كتبت بواسطة معــ المرقاب دي كلٍ يحسب إنه من الحسّاب=وهوه هوا نفسه يعيفها ما ينفعك لامن وطاه الداب=نيشنتها وأنته مخالفها

من يستمع في هرجةالعيّاب = للكايده يخشى مواقفها
الداب ماله غير كسر الناب = فارض الحصى بالجلد يزحفها

بالله يهل الفكر والألباب=مافيه حاجة حتى ننسفها
الجملة اللي مالها إعراب=ماني بقايلها وأعرفها

ودي بتعقيدك بدون اسباب = حتى يدياتك تكتفها
البندق اللي ثايره فجراب = أما تبدلها وتحذفها

بعطيك سيف منصنع بأخشاب=حتى يدينك ما تقرفها
إن طعتني خلك وزان الباب=ارموشك ما ودي انتفها

السيف مضرابه على الارقاب = حتى من امتونه يفرقها
ما قدمك الا معكف الاشناب = والناس لابدك تعرّفها

ارتاح في سدي مدامك شاب= بل الحلوق ولا تنشفها
ياليت أشوفك وأكشف النصاب= ما خط وش عادك تلفلفها

أزبن على مرزوق ولا ذياب = اشرب من البير ومغارفها
مانك من الحضران والاعراب = قومٍ ولا ندري نصرفها

الظاهر ان راع الهوى ماتاب= ليته لقاله حاجه يعلفها
لكن رح وأنصى أبو مشعاب=والمورقي لا ما يخالفها