بغيت مسكه حي يوم أني لقيته فالحزم=مير البلاء يالكبتن مناحي وزاله في حصاه
فالوقت الاقشر كل شي يصير ويهرج الصنم=حسبي على الي جاء يزم الخبل يوم أنه شراه

امرار تهرج للعرب وامرار ترطن للعجم=واللي مايبغاك انت خلك يالعتيبي ماتباه
الظاهر ان الشوّط طوّل مير صفّر ياحكم=والمذن أذن مير هيّا ياجماعه للصلاه

أنته ليا هرجتني بين العرب قلت ألك سم=تامر على روحي ومثلك كلنا نتبع رضاه
أخذت ألك شوطين يامناحي بعد جيت الحرم=لكن تم الحج وأرجع يامناحي في مناه

بيني وبينك ياوسيع العرف سلم واستلم=ترى مناحي يسلم الكافر تحت فيّة عصاه
مالك ومال الغايب اللي فالقضيه متّهم=جعله مراح مقاط وانته تعرف مقاط ورشاه