فيه نور ٍ جنب ضلع وفيه نور ٍ فوق قمّه=مير هرجك لا يجيب إلك البليّه والمطمّه
والجمل ما ضاق صدره من صياح ومن مذمّه=والشتاء والصيف عنوان الفصول الاربعة

به رجال ٍ وقوف .. وبه رجال ٍ جلوس=وانت تعرف سيوف ٍ جتك من دونها
كب عنك الكلام اللي يسر المجوس=لا تخل العوارف تكشر سنونها

الجمل جاه الجمل والجمل جاه البلا= يوم شاف شعيل يزبد فك رجله للخلا
ليش ياسمحان تهرب نص ذودك فالفلا= الشتاء والصيف من ضمن الفصول الاربعه

والله أو نعم بالريجيل والعلم قوس= مانعم الرجال اللي تعمونها
للبعارين يافيصل بعيد الرموس= كيف تكشف غطا الدعوى ومضمونها

يالبعير شعيل لا يظهر زبدك وتحتمي=والله اني بس اسولف لك واضاحك مبسمي
وانت عندي .. كيف انا ضيّعت ذودي واغنمي؟!=والشتاء والصيف عنوان الفصول الاربعة

انت راع القدوع اللي تضر الضروس=سوسة ٍ ضاق صدر اللي يذوقونها
انت جبت المهر واحنا نجيب العروس=والديار الرديّه لا تزورونها

ساحة الميدان مافي جوفها حبت خشم=لو ماقلت لك حاظر لو ماقلت لك سم
كل شي يصير مار بعير مايرعى غنم=الشتاء والصيف عنوان الفصول الاربعه

وأنت راع الركيب اللي زروعه يبوس=ماتعدل زروعه لو يساقونها
فيه علمن خفي وفيه علم محسوس=بيننا مير بعض الناس يفشونها

انت راع القدوع اللي تضر الضروس=سوسة ٍ ضاق صدر اللي يذوقونهـا
انت جبت المهر واحنا نجيب العروس=والديـار الـرديّـه لا تزورونـهـا

وأنت راع الركيب اللي زروعه يبوس=ماتعـدل زروعـه لـو يساقونـهـا
فيه علمن خفي وفيه علم محسـوس=بيننا مير بعـض النـاس يفشونهـا

ساحة الميدان ما في جوفها ليتك وليتي=ماني عندك وسط بيتك وانت منتب وسط بيتي
مار هوّنها قبل لا تحرقك نار الثبيتي=والشتاء والصيف عنوان الفصول الاربعة

ليه تختار شي ٍ ما اكسرته الفنوس=صلب صامد لو الحجّة يعرضونها
في بحور المعاني ملّ قاع الغطوس !=اكشفوها وفوق الناس يرمونها