مافيه شي استقر للآن يا راشد . . وأعمار التحورات مازالت تقريبية ومبنية على الموجود الحالي من العينات
هذا اولاً ، اثنين ما تقدر ترفع من سقف عمر جد عتيبة إلى هوازن أو شبابة .. الخ . لأنه ما ظهر على تحور zs5804 إلا نتايج عتيبية إلا عينتين في حد علمي دخلت معنا : عينة كريزية بقمية وعينة هذلية مطيرية .. وباقي قبايل هوازن على تحورات مستقلة (ثقيف ، سبيع ، السهول وغيرهم ) .. وتعطيل العقل هو إنك تخمن أشياء عن رجل "وهمي" ما نقل لك من تاريخه شيء وتبني عليه وتحلل .!

بالنسبة لي كنت أظن قبل النتايج اللي ظهرت . .
إن عتيبة تجمع قبلي ضم قبائل "عليا هوازن" بالحجاز وانتسبت له .
لكن يبدو إنها فرع قبلي إسلامي حديث .,

وهذا إن ثبت بيقوي من قول ابن دخين إن عتيبة
كلها من بني سعد .


عموما . .
هذا التصور ما أكدته نتايج الحمض النووي إلى الآن ولا نفته تماماً .,
ممكن يتغير تقدير أعمار التحورات ، وحينها لكل حادث حديث .

نسيت يا راشد إنك ما انت مقتنع بذا العلم إلى الآن . .
هذا شي راجع لك ما اقدر اقنعك ولا ألزمك فيه
وسبق وتناقشنا بالموضوع

اتفق معاك يافهد في كل ماذكرته
لكن السؤال منه هذا الشيخ او الفارس اللي القبيله تجله واطلقت اسمه عليها تيمنآ به
بالتأكييد واكاد اجزم انه ليس عتيبه او عتب الذي ذكره ابن ثابت
لان عتيبه او عتب لم يظهر الا بعد الاسلام ولم نسمع له عن فروسيه او ذكر تشفع للقبيله ان تطلق
على نفسها اسمه

اخوي ابن ثابت
كثير من كبار السن في برقا وروق يقولون اللي مايرجع في نسبه الى بني سعد والا ليس بعتيبي
هوازن بعد انفصالها عن بني هلال
كان اللحم واللبن لايكفيهم عن البر والدقيق ولايستطيعون العيش بدونه
لذلك استوطنو ديار بني سعد وهي كما تعلم ديار زراعيه لنقاوة تربتها ووفرت مياهها وليست ديار مرعى
وعمرو الارض وزرعوها اما مواشيهم فقد استوطنو بها السديره وتربه والخرمه ورنيه وديار سبيع وديار اكلب
والطائف الى بعد السيل

واصبح البدوي منهم راعي وبر وراعي مدر
وعن مانسمعه من كبار السن ان اول سكناهم وعاصمتهم هي قرية لغب في بني سعد

لم تكون بدايتهم رعاة مواشي فقط
والبر والدقيق له الاوليه في حياتهم على اللحم واللبن

اما اسم عتيبه اللي الان يطلق على القبيله فهو بدون شك لرجل وفارس وشيخ من القبيله
له مكانه لم يوصل لها احد من قبله
مثل قوم عاد نسبت القبيله باكملها الى عاد عليه السلام

والشيخ عبدالملك المنصوري رحمه الله
عنده علم فالانساب واتفق معه في كثير من تحليلاته ومنها انه اثبت بالدليل ان الثبته هم من عيال
منصور ويرجع معهم في منصور بعض اخماس برقا وروق منهم قبيلة ربيع من النفعه اثبت انهم من
عيال منصور وفند قوله بالادله القاطعه الغير قابله للشك
تقدر تتصل على احد ابناءه ولابد انه راح يفيدك في كثير من تساؤلاتك
وانا شخصيآ اشكرك في اهتماماتك وبحوثك
والخلاف لايفسد للود قضيه

أقوال كبار السن ونسابة عتيبة على العين والراس . .
ونستفيد منها في تفسير وقراءة بعض النتائج
وأنت شايف طال عمرك إن النتايج تتجه لتقوي من أقوالهم
فما ادري وش النقطة الي معترض عليها ؟

لوما كتب الأنساب ومرويات النسابة والعوارف وموروث القبايل ما كان لعلم الأنساب الجينية عند العرب قيمة !! وهذا اللي ميزهم الآن عن أمم الغرب والشرق .. عندهم مشجرات تاريخية يقدرون يسقطونها على النتايج الجينية بـ الأسماء التاريخية بعكس غيرهم .


ناخذ من هذا ومن هذا ..
ولا نعتمد فقط على المرويات ., هذا الزمان ولّى وانتهى .!!

ابد ماهناك اعتراض
بس مايلزم نعتمد على كل مايكت ونصدقه ونساهم في نشره
البعض وانا اخوك جعل شبابه كلهم يرجعون في جد واحد
الغامدي والحارثي والفهمي والعتيبي
وشبابه معروف انه حلف نشأ بين القبائل المذكوره لمقاومة غزو خارجي وقريب جدآ
واذا ماخاب ضني انه نشأ في بداية الغزو العثماني للجزيره لكن مافيه مصادر تؤكد كلامي
وعلى قولتهم توقعات من خلال قراءتي للاحداث