ما لقينا مع خديجه جنيه ولا ريال=والسنين الممحله بالغو مغونها
جبتها من كل وادي تحت وبل الخيال=مير عز القوم يا صاحبي ثم هنها

لاتعيد الغلطه انته على الجرف الهيال=كل قومن فيه تاريخ يشهد عنها
جبتها يوم الاجابه على قد السؤال=وانت طحت ابحفرتن يستر الله منها

من قديم الوقت لعيونكم مثل الخلال=مير صد الغاره اللي تلاعن جنها
رجلٍ يكرم ورجلٍ يصفق بالنعال=وانت تكرم مير شن المعارك شنها

في قديم الوقت لوقلت ماجالك مجال=سنتن فيكم عطيب المضارب سنها
احمدالله فالرخاء واشرب العد الزلال=الوطن ماجتك عيشتك غير بأمنها