انته مخضرم والا انته من هذا الجيل= اصدق معي لا تعود قلباني
ما ودنا نغضبك بالحيل بالحيل=لكن خلك صديق ومطوعاني

يا بو محاله علومك في طرف ليل= تنشد وأنا أنشد ومن دور لقاني
ماني بزعلان ياللي تعرف الميل = وأنت فمكانك وأنا عارف مكاني

خيال خيال تفتك الأباهيل = تصول وتجول يا راع الحصاني
أنا أحسب أنك قبل مقبول وأحليل = وأثرك مخادع وشكلك مروغاني

الدله اللي تجيك أمع الفناجيل = أشرب وأبا أكفيك من نطق لساني
محتال وأنا معك فالقال والقيل = فالعشر ماني بقابل لي ثماني

يا سرع ركضك ورميك للمطافيل=جبت الهرايا وخليت السماني
الشعر نقض وفتل ماهو دهاويل=والظاهر ان لك خبره بالمعاني

أوفي بكيلك ولا تنقص من الكيل = ما فيه نار ٍ تشب ولا دخاني
برّدت حيلي علامك بارد الحيل = لا بد تحتاج ضرب الخيزراني