مرحبا بالصاحب اللي شوفته تسوي حياتي = عند ربعن يمدحون العبد نوب | ويشتمونه
عام الاول قلت لي رد الهجوم ولا تحاتي =ماهقيت انك تكب العبد فالحرب وتخونه

البقا بالشاعر اللّي لايذل ولا يباتي=ذيبٍ امعط لالقى صاحبه حمّر في عيونه
فالزمان اللّي مضى نشفق عليه امن المماتي=منتحر في كل يوم وليل يكوسر في لحونه

الزمان الشين ماخلا وغير لي صفاتي = شي ناصلّه وشي انعقل الرجلين دونه
انت لو حصنتها ياذيب من كل الجهاتي = كان ماشفت الوكيل ايطق في ذمة زبونه

شانت اخلاق العرب من عقب ضيعت الوصاتي=رحت تزمر في كبير القوم وتكسر سنونه
دونها السيف الصقيل ونبعها نهر الفراتي=مير من يكفل خووي الجنب لازادت ديوونه