المشاركة الأصلية كتبت بواسطة مخلد منصورالثبيتي (المشاركة 1297832) شكرا على مرورك اخي العزيز وبعيدا عن التقاليد والعادات انت لوتحلل الجمله من منظور علمي تجد ان الذيب يتغذى على الجيف اكرمكم الله انا من الان ورايح لن اطلقها على رجل ولو احد قال لي يالذيب استدعيت له الشرطه بالعكس اخوي راشد الذيب الحيوان الوحيد الذي لاياكل فريسة غيره ولا ياكل الا من فريسه حيه الا ماندر والذئب الحيوان الوحيد الذي تخشاه الجن والذئب يعرف الرجل الشجاع من الجبان برائحته

المشاركة الأصلية كتبت بواسطة راشد النفيعي (المشاركة 1297829) شكرا على مرورك اخي العزيز وبعيدا عن التقاليد والعادات انت لوتحلل الجمله من منظور علمي تجد ان الذيب يتغذى على الجيف اكرمكم الله انا من الان ورايح لن اطلقها على رجل ولو احد قال لي يالذيب استدعيت له الشرطه والله لو احالونا للمحاكم ليدينه القضاء

المشاركة الأصلية كتبت بواسطة سعيد مرزوق العبد (المشاركة 1297858) هذولا بقايا حجاج ماهم عرب ولا يعرفون تاريخ العرب او انهم من العراق البدو يسمون الدويش الهارف يعني الذيب واهل العراق يسمونه لطعان يعني كلب الله يعزك ويعز الدويش

المشاركة الأصلية كتبت بواسطة عزارم (المشاركة 1297866) لاهنت يالذيب

المشاركة الأصلية كتبت بواسطة راشد النفيعي (المشاركة 1297829) شكرا على مرورك اخي العزيز وبعيدا عن التقاليد والعادات انت لوتحلل الجمله من منظور علمي تجد ان الذيب يتغذى على الجيف اكرمكم الله انا من الان ورايح لن اطلقها على رجل ولو احد قال لي يالذيب استدعيت له الشرطه والله لو احالونا للمحاكم ليدينه القضاء

البارحه والجوع مس الذيـب يـوم انـه يعـوي = علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي = اللي تنقى فـي سمـان الفطـح لا مـن جيتهـا
واللي باساميـك يتقلدهـا الخـوي مـع الخـوي = والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي = والوجبـه الحيـه تعشاهـا وتـتـرك ميتـهـا
الجوع لـو يدفعـك للمـوت الذحـاح المستـوي = حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي = وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي = مـا بيـن مرحـان الشواويـه ليـا عسيتـهـا
يا موجل(ن) قلب حضري يا موجل(ن) قلب بدوي = ياللـي تشيّـم خـوة الرجلـيـه ان خاويتـهـا
عامر خوي الذيب في عصر الفـوات المنطـوي = قصته في اذهان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي = لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي = على غشـاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي = لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي = وقبـل زمـان العولمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي = والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي = والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي = والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي = والمفـردات اللـي تجملـنـي لـيـا عديتـهـا
والهاجس اللي كـل مـا فليـت حويـه ينحـوي = وافكـاري اللـي تتعـب الخافـق ليـا هليتهـا
واخاف لا تكمـل وينحـاك النزيـف الدمـوي = وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي = مـادام خانتـك الظـروف الله يخـرب بيتـهـا