المشاركة الأصلية كتبت بواسطة الغضنفر (المشاركة 1281761) صح لسانك ياعثمان وبيض الله وجهك وسجل اعجابي بشخصك الكريم وبما تقول من شعر يامبدع

المشاركة الأصلية كتبت بواسطة عايض جزاء العصيمي (المشاركة 1281850) صح لسانك ياعثمان قصيدة رائعه وشاعر اروع لاهنت تحياتي لك

اخذت في تـــجريب دنياء العنا شـــوط = زائد دقايق فيـــــــــــــه والا ثواني
واكلت من لــوعات دنياي كم ســـوط = صحيح اثرها ماعليــها ضـــــماني
والراس مــن تجريب الايام مصعوط = صعط الفكر ماهو بصعط الجنـــاني
اهمش اخطـــوط وتوقفني خطـــــوط = مخافة الله والسلوم تحــــــــــــــداني
اكابر وقلبي من الهــــم مضغـــــــوط =واصبر على جرحي وانا منه اعاني
هذا الزمان اكيد ماهو بمضبـــــــوط = راع العشر نعـمه لا جاك بثـــــماني
صوت الشجيع اليوم خافت ومغطوط = والا الردي صـوته يصـــج الاذاني
تصدر علوم العرب كل مسخـــــوط = يامر وينــهي يالله المستـــــــــــعاني
نذلاً كلامــه وسطــه السم منقــــوط = قليل النـــخوه طويل الســــــــــــاني
بياض ناصيته مع السود مخلــــوط = والمال غطـــاء هفوة المسنــــــحاني
المال يسند كل سافل وشرمــــــوط = والفقر حجم طـــيبين المـــــــــــجاني
ذاالوصف ماهو شرط بالناس مشروط = الفرق واضــح بين هادم وباني
اكيد ماينسب لهم شي مغلـــــــــوط = للخير حزب وللـــرداء حــزب ثاني
وكلً بمقسومه مقيد ومربـــــــــوط = والباقي الخـــلاق والخلق فـــــــــاني
تبا نصيحة من خذا تجربة شــوط = صل وتزك وصوم شــهر ارمضاني
وابذل عطا من طيب خاطر ومصفوط = لوجه الكريم اللي عطاك وعطاني