ماجد يعلم الله اني مشغول ولولا التقدير مارديت من شغلٍ عندي ولكن صح لسانك والختام عندك
وان شاء الله نلتقى فيما بعد

.
.
.
ياسلام

صح لسانك ياماجد
وصح لسان غانم

متااااابع لين تكشف الحقايق : )

الله يقدرك ويغليك عند واليك وهذا من طيب معدنك

انا البادي ياغانم وختامك خير ختاام صح لساانك مليوون وبيض الله وجهك على حضورك وتشريفك لنا



وبيض الله وجيه الاخوااان ياسر الجعيد وابوسلطان الغنام على حضورهم واثبات الحقيقه

والاخ سبار المعاني التمس له العذر ولكن ما زلت انتظر منه توضيح الحقيقه وبيض الله وجهه


والاخواان اللي شرفونا بحضورهم وتشجيعهم بيض الله وجيههم وصحت ابدانهم جميع

ارررررررحب يابومنير

صح بدنك ولاهنت على المتااابعه

ياسلام سلم

طارووق رااائع


صحت السنتكم وقلوبكم


وبالنسبة لماجد السميري فهو شاعر ورجل عاقل
واعتقد استخدامه لهذه المعرفات لايضيف له شي
حتى يستخدمها ورقم الآيبي يوكد اسم صاحب المعرف.
والله بكل شي عليم

اررررررررحب يابوطايل

صح بدنك ولاعليك زود طال عمرك

وتاكد انه مايثمن الرجال الا رجال طيب

واشكرك على التنسيق

طاروق قوي وجميل

كل الشكر لك اخي ماجد وغانم ايضاً,,,

ماجد السميري




يالله يامعبود يارب العباد , ياناصرن يوسف علـى كيـد الحريـم
انك تبين الحق وتزيح الظلام , واللي عقد روس الحبـال يحلهـا
الارض جفت والغلا عم البلاد , والغيث ما جاله على البيدا وشيم
كله بذنب الظلم وعيال الحرام , واللي عقد روس الحبال يحلهـا


غانم الفضلي




راع الذلول اللي تدرهم بالشداد ماتجذبه نار مولعهـا شريـم
وفر رصاصك يالسميري فالحزام واللي عقد روس الحبال يحلها
يبا يجيك الخير لاشا الله واراد لكن لاتقنط ترى ربك كريـم
اشغلتني قدام لا ارد السلام واللي عقد روس الحبـال يحلهـا



ماجد السميري




شعيل ما عاقه عن الممشا قراد , يهدر ويهبد ويتباها مـن قديـم
ماهوب عارف لا قياد ولاخطام , واللي عقدر روس الحبال يحلها
الله وعد بالويل من فوق الشداد , لكل مغتابِ ومشّاي بنميـم
يارحمة الله ما يتوبون الانام , واللي عقـد روس الحبـال يحلهـا




غانم الفضلي




ان طعتني بلغ مكافحة الفساد على سرابيت الدخل واهل النسيم
اليا متى واللعب عادي بالنظام واللي عقد روس الحبال يحلهـا
الوادي اللي شال حنان الجراد اصبح على قول المثل مثل الصريم
ياقدرة الله ماعلى الدنيا دوام واللي عقد روس الحبـال يحلهـا




ماجد السميري




ما عاث فالديره وحل الاقتصاد , الا مكافحة الفساد اللي تهيـم
اهي البلا واهي الجلا واهي الهدام , واللي عقد روس الحبال يحلها
قولوا لها تلبس من اثياب الحداد , ماعاد للفرسان فالديره مقيـم
دام الكرامه بيتها روس الكرام , واللي عقد روس الحبال يحلهـا




غانم الفضلي




الثوب الابيض في اخر الايام باد اللي من اول ساتر الطفل اليتيـم
واللايمه تشمل على ربد النعام واللي عقد روس الحبـال يحلهـا
ان كان تبغى الصدق والعلم الوكاد لاترجي الماطر ليا ماشفت غيم
ماعاد فيها يا ابيض الشارب كلام واللي عقد روس الحبال يحلهـا



الله الله صحة الالسن والقلوب ابداع العمالقه غير مستغرب لله دركم يامبدعين

تحياتي واعجبابي : ماجد وغانم لله دركم

صحت السنكم

لكن عندي نصيحه


اللي عنده هواية في الدردشة لها مواقع مخصصه