سلام الله على الهيلا عتيبه ربعي الوافين =عدد ما غرهد القمري وجر الصوت بألحانه
عتيبه ربعي الهيلا سـواة النون وسط العين = أقدرهم عتيبه والعتيبي مرتفع شـــأنه
عتيبة ربعي الهيلا سواة السيف أبو حدين = يقص العظم من تحت اللحم ويقص شريانه
أبا أنخا الشــاعر محمد ذيابي(ن)يسد الدَين = هذاك المشرف اللي كلبونا حِسبة أخوانه
يا بو ذايب نصاك سهيل وأنته تردع المخطين = تعرف المخطي وتَعْرف خطاه وزلة لِســانه
أبا أدمح زلة المخطي ليا أخطا قلت له بعدين = خطا ربعي قدا ..للمخطي اللي زل غفرانه
لأني خــائف(ن)بكره تجي وحده من الثنتين = وتحصل مشكلة والشر تفتح كل بيبانه
أبا أبني في جدار عيال عمي بالحجر والطين = وأبا أهديهم من ورود الهدا ورده وريحــانه
غرست الورد والريحان في جنب العنب والتين = وتوت أحمر وعنـــابه وتفـــاحه ورمـــانه
أبا أهدي من ثمرها وأعطي الفقران والمسكين = زكاة المال دام أغصانها بالخير مليانه
ألا يا الله تديم الخير والإسـلام شرع وديــن = على سِنة محمد ثـــــابت الإسلام بأركـــــانه