عز الله أنك شاعرٍ مبدع ومقدارك كبير = لكن لاتجلسك بنت اللاش عند عيالها!!
لاتحتري رد الثناء من واحدٍ مافيه خير = وانته حمولك ياولد عاصم تعرف جمالها!!

شهادتك نفخربها ياامير ياولد الامير= مار البشوت الشقر لايمكن تجيب ابدالها.!!
لالاك يابن زهير ما دور لها الشاعر جرير = وان كان ماحليتها فال الله ولافالها!!

سلطان الجذع=

قامت رحا الدنيا يابو طايل تلف وتستدير=وان كان هذا حالها ... لاجمّل حالهـا!!
ام الكباير تجحد النعمة وتكفر بالعشيـر=ليتك تطلقها وترمي بالثـلاث حبالهـا!!

سعود العصيمي=

راع الوفاء باقي محله مايعوّد فالاخير = دار الزمن والا بقى الخيل من خيالها.
حنا من الروس الكبار ولايصغرنا الصغير= و العامرية كيف تجحدني وانا رجالها.

سلطان الجذع=

وش قيمة جناح الدجاجة يوم ماتقـدر تطيـر=كلمة غضب علم بها عـم العلـوم وخالهـا!!
غبرا ومقعدها المرض عامين في ظهر السرير=والله واعلم يالعصيمي لو تموت أشوى لهـا!!

سعود العصيمي=

ندهن لها فالسير ياسلطان وتزين وتسير= هذا جزاها والعرب تجزا بحسب اعمالها.
الله وكبر ياحمول ٍ شالها ظهر البعير = يوم اتعين فالحمول اقول كيف اشتالها

سلطان الجذع=

عز الله أنك شاعرٍ مبدع ومقدارك كبيـر=لكن لاتجلسك بنت اللاش عند عياليهـا!!
لاتحتري رد الثناء من واحدٍ مافيه خيـر=وانته حمولك ياولد عاصم تعرف جمالها!!

سعود العصيمي=

شهادتك نفخربها ياامير ياولد الامير= مار البشوت الشقر لايمكن تجيب ابدالها.!!
لالاك يابن زهير ما دور لها الشاعر جرير = وان كان ماحليتها فال الله ولافالها

ماعاد باقي للقضية غير تحديد المصير = والله لانقز بالقديمي قلبها وطحالها!!
الحل / علمٍ لاذكرتك يجذبه سلك الحرير = من يوم راسك مال طاحت غترتك وعقالها!!

المشاركة الأصلية كتبت بواسطة سلطان الجـذع (المشاركة 1246148) .. . أرحب ارحب يافهيد .. صح بدنك ولاهنت .. ابا اسألك ماتعرف بناخي الايداء :)