المشاركة الأصلية كتبت بواسطة عايض مثقاب الزراقي (المشاركة 1240656) كنت احسبنك تعرف الطاير قبل يترك سماه=يا طور سينا هدتك غر السحاب الحملا لا تسمع اللي ما صدق واللي صدق تسفه نباه=راس الهرم ما لخبطه غير الخشاش مع الملا

ماهو خطاي اليا قصر دلوك عن الصافي وماه=وانا تراي اسقيك مما تشتهي مر وحلا
الذيب ماضره دعى الداعين في فرض الصلاة=وان مات قالوا ما يجي له لا مثيل ولا حلا

القدر شفنا ما يشيله بعد ما شلنا غطاه=خذ وعد بلفور المسمى لمتلك رجم العلا
الذيب تال الوقت راع العنز ما يخشى عواه=واللي يهز الذيل صار مع الجمال مجملا

المشاركة الأصلية كتبت بواسطة عايض مثقاب الزراقي (المشاركة 1240678) القدر شفنا ما يشيله بعد ما شلنا غطاه=خذ وعد بلفور المسمى لمتلك رجم العلا الذيب تال الوقت راع العنز ما يخشى عواه=واللي يهز الذيل صار مع الجمال مجملا

لك نظرة الغلطان والغلطان يرجع عن خطاه= الا كفيف القلب من زود الصلف شرب وكلا
اصبر وصدرك تبهج الايام سرحانٍ حلاه=واللي يهز الذيل يشبع سور ويذب الخلا