الهيـــــــــــــلا *** منتدى قبيلة عتيبة
صفحة 2 من 3 1 2 3
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   يابوبجاد البرق لاح وننتظر هل المطر!! (http://www.otaibah.net/m/showthread.php?t=132063)

عبدالله جبارالعتيبي 28-Oct-2011 06:51 PM
وقت الهجوم نهاجمك وقت الدفاع أصدم صخر

وكل النشامى عارفٍ مقدارها وفعالها



ربعي تعزوابي ونا ليه مكانه مع قدر

ماهمني حساد بقعاء لوتصيح عيالها

عبدالله جبارالعتيبي 29-Oct-2011 01:20 AM
اقتباس:
المشاركة الأصلية كتبت بواسطة محمد ناصر الأكلبي (المشاركة 1236991)
النهاية عندك يابوجبار ولنا لقاء إن شاء الله


وتشرفت باللعب مع شرواك


في أمان الله

....
لنا الشرف يبوناصر
وصح الله لسانك وبدنك
الساري بخير

عبدالله جبارالعتيبي 29-Oct-2011 06:19 AM
محمدالأكلبي
يابوبجاد البرق لاح وننتظر هل المطر=فوق الديار الي غدت في حالة يرثالها
والبدو في الريضان ترقب تحتري نبت الزهر=وعسى الشجر يخضر ترعاه الغنم وجمالها

عبدالله العتيبي
أصبريبوناصر شويه ثم تبشر بالثمر=في ديرةٍ رب الخلايق رافعن منزالها
الخيل من خيالها والفعل يسبقه الخبر=في شرقها في غربها فجنوبها فشمالها
محمدالأكلبي
أنته هلالي ماتداني دايم نادي النصر=وانابلشت اليوم مابين النصر وهلالها
الاسهم تراها غرت العربان في ماضي الهجر=تبغى الغنى لكن لفت بالفقر وسط حلالها

عبدالله العتيبي
أنا عيوني للوطن والمنتخب صبح وعصر=ماهمني كل النوادي طيب الله فالها
ياصاحبي ياصاحبي ماني عمى ولاعور=أعرف خروج الدار يارجال من مدخالها

محمدالأكلبي
ياهل الصرر ياهل الصرر حذرى تفكون الصرر=ترى الحرامي يسبر العالم ويسرق مالها
من عقبها تبطي يابن جبار عايش في فقر=من زود همك تحسب ايام السنة وليالها
عبدالله العتيبي

أبشرك في خزنةٍ ماكنها ألا في قبر=ولا فغبات البحور اللي تصافق جالها
ماني بصاحب للمشاكل ساكنن جوف الخطر=النار من شبابها والخيل من خيالها

محمدالأكلبي
لامن حفرت لها فزود ياصحيبي في الحفر=لاتامن الدنيا تشيب عينك من اهوالها
عظم الشقي مكسور ما اظنه بيلقاله جبر=تبى تزيد المشكلة ويملها حلالها

عبدالله العتيبي

سيف ابن طالب في يدي ماهمني راع القشر=في نقضها في فتلها في حلها وترحالها
قلبي فدى الهيلا عتيبه من بدو ولاحضر=ترى الصعيبه عمها ترى العسيره خالها

محمدالأكلبي
ترى التهور يدفع الغافل على الموت الحمر=كم كلمة قد ودت لحوض الردى من قالها
ترى عتيبة ماتبي من حضرتك شخب وتمر=خلك في حالك والنشامى خلها في حالها

عبدالله العتيبي
وقت الهجوم نهاجمك وقت الدفاع أصدم صخر=وكل النشامى عارفٍ مقدارها وفعالها
ربعي تعزوابي ونا ليه مكانه مع قدر=ماهمني حساد بقعاء لوتصيح عيالها

محمد الذيابـــي 29-Oct-2011 01:48 PM
,,

محمد ناصر الاكلبي

عبد الله جبار


صحت الالسن جميعاً

ابو راكان المقاطي 29-Oct-2011 10:39 PM
صحة الالسن


يعطيكم العافيه



*

عبدالله جبارالعتيبي 30-Oct-2011 01:27 AM
اقتباس:
المشاركة الأصلية كتبت بواسطة محمد الذيابـــي (المشاركة 1237187)
,,

محمد ناصر الاكلبي

عبد الله جبار


صحت الالسن جميعاً

صح بدنك ولاهنت

عبدالله جبارالعتيبي 30-Oct-2011 01:29 AM
اقتباس:
المشاركة الأصلية كتبت بواسطة ابو راكان المقاطي (المشاركة 1237305)
صحة الالسن


يعطيكم العافيه



*

صح بدنك

والله يعافيك

كلمةحق 01-Nov-2011 06:27 PM
محاوره ممتازه
محمد الأكلبي (صح لسانك)
عبدالله العتيبي(صح لسانك)

نواف مستور 02-Nov-2011 12:18 AM
بيت كلمة حق يحتاج لاعادة نظر من ناحية الون بشطر الثاني

عبدالله جبارالعتيبي 02-Nov-2011 05:10 AM
اقتباس:
المشاركة الأصلية كتبت بواسطة كلمةحق (المشاركة 1238157)
محاوره ممتازه
محمد الأكلبي (صح لسانك)
عبدالله العتيبي(صح لسانك)

صح بدنك وسعدتنا بمرورك


الساعة الآن »05:59 PM.
صفحة 2 من 3 1 2 3
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd