الهيـــــــــــــلا *** منتدى قبيلة عتيبة

- - يتباكا على الامير سلطان (http://www.otaibah.net/m/showthread.php?t=131988)

اقتباس:

المشاركة الأصلية كتبت بواسطة رائد الكيرعاني القحطاني (المشاركة 1236507)

أنا لا أعلم يا خالد عن الفائدة المرجوّة من الموضوع هل هي لتشويه سمعة القرقاح أم للتّطبيل للجلاوي بصورة غير مباشره !!

اولا : يا خالد الله يحفظك وفاة الأمير من يوم الجمعة ولا أرى فيه منقود على فلاح ان لعب اليوم إلاّ ان كانك ترا في ذلك تنقيص من ولاء فلاح القرقاح وتشكّ في مصداقيّة مشاعره فهذا كلام آخر

الفقيده ماهو بفقيدة فلاح هذا فقيدة شعب وامّة بأكملها واللي بكا عليه هو فلاح وغيره ولكن هذا قضاء الله وقدره وفلاح سواء ان لعب او ما لعب لن يردّ سيدي سلطان من قبره الله يغفر له ويرحمه

يا رجل فهد بن نعيم بعد وفاة والده بأسبوع او عشره ايام أحيا حفلاته !! ما شفت احد استنكر هنا مع اني كنت مستغرب جدّا وكنت اتوقّع توقفه اقل شي شهر مع انه والده ..

كان أفضل من هذا الموضوع هو الدعاء لسيدي سلطان بالعفو والمغفره الله يرحمه ، وولاة الأمر يعرفون ولاء وصدق فلاح القرقاح

عموما فلاح أكّد لي حضوره الليله وبيلعب انشاء الله

ولك تحياتي

مرحبا يارائد الكيرعاني

الاوله : الله يرحم الامير سلطان ويسكنه فسيح جناته

الثانيه : والله ان القرقاح غالي ومن غالين , لاكن استعجبت من لقاءه فالقناه واحياءه لحفله بعد دفن
الامير بيوم ,, يقول فاللقاء واغلبكم شافه علاقتي خاصه مع الامير وكان الامير يشجعني ويمدح قصايدي

استعجبت ان شخص بحجم سمو الامير سلطان الله يرحمه ويقدر شاعر ويشجعه ويدعمه وبعد يوم واحد من دفنه يغني الشاعر في حفله في الرياض في نفس المدينه الي دفن فيها الامير سلطان الله يرحمه

الثالثه : ولاء فلاح ومشاعره تجاه وطنه وحاكمه ماهو حنا الي نقيمها ,, لاكن نقيم افعاله ومايتحدث به فقط

اخيرا / الله يرحم سمو سيدي الامير سلطان ويسكنه فسيح جناته,,, ويطول عمر شاعرنا القرقاح على العز والطاعه

وشاكر لك اخوي رائد مشاركتك الطيبه وردك الراقي

استغرابي ماهو السبب في تخصيص القرقاح من جميع الشعراء
كلهم لعبو واحيو حفلات ويش معنى اختص فلاح من بينهم ؟؟

وارى أن الموضوع ليس له اي قيمه حتى يطول النقاش فيه

الشعراء ارتبطو مع ناس في حفلات قبل الحفله بشهر يعني قبل وفاة سلطان

وراعي الحفل تخسر و تكلف و عزم تبي الشعراء يخلونه حتى لو انه تكلف و عزم حط مكانك في مكان

راع الحفل ؟؟

ولا احد يموت بموت احد والله يرحم امواتنا و اموات المسلمين

استغفر الله العظيم يتباكا ماهو مجبور ياخوي انه يتباكا

واحيان الواحد وقت الحدث تخنقه العبره مثل مايقولون وبعد ينتهي الحديث عن الامر المحزن تنتهي العبره

ومثل ماقالو الاخوان المواعيد محجوزه من اول

والناس مالها الاالظاهر النوايا وخوافي القلوب لايعلمها الاالله

تحيتي

القرقاح من عامة الشعب أن غناء محد درا عنه وان تباكا محد داري عنه ... الشرهه على المسئولين او

الأمراء أو القاده في هذه المواقف ... أما العامه فهم عامه ...

مافيها شيء أبد أبد

أغلب الحزن يكون في لحظة تلقي الخبر وبعدها بساعات وبعدها يبدأ وقع الخبر يخف على النفس

ما يطول البكاء إلاّ في وفاة اللي من لحمك ودمك ..

من حفلة ليلة البارحة بالرياض:
بن عتقان:
سمعنا عبر الأمثال بدموع التماسيح
هذا مضرب مثل للعرب.. دقة قديمة
فلاح القرقاح:
ابن عتقان لا يرفعونه فوق ويطيح
هذا مسرح فخر ما هو بمسرح جريمة
؛؛؛
جوال أماسي

من نفس الحفل الي ذكرته وحضره القرقاح بن عتقان جاب البيت هذا وهو منقول من جوال اماسي وابن عتقان جاب المعنى نفس ماذكرت انا في عنوان موضوعي انا قلت يتباكا وهو قال دموع التماسيح وهذا تصديق لصحه كلامي وسلامتكم

ايه لازم ذي البهارات على طول قصيده ثم دمعه ثم سووالف وهاتك من هالعلوم اللي الله اعلم معها

لا وفيه مقطع لواحد يتكلم باسلوب كيف حالكم يا طلاب ياحلوين عن الامير سلطان وفجاءة قام يجغر ويعيط

اختصار المقطع

http://www.youtube.com/watch?v=sUsN6...eature=related

المقطع كامل

http://www.youtube.com/watch?v=Yr9yFjmRDHw

ههههههه

خالد عز الله جابها ابن عتقان ..

لكن اللي صدق يقهرني أن شعراء هذا الوقت ليسوا مثل شعراء قبل

لا يطابق كلامهم أفعالهم فأدى هذا الشيء لـ نقص هيبتهم ..

تلقاه في قصيدة يذم الهوا و يحرمه على نفسه و بعدها يجيب قصيدة غزل !!

بغض النظر عن القرقاح أنا أتكلم بشكل عام على الشعراء ..

لكن الله يرحم سلطان