والله انا خابرين القروم امن الهدوس=والجبل يعرف ونعرف رجالٍ تسكنه
دلةٍ ماتضبط الراس لاصار معموس=مالي بفنجالها مير عٌده واركنه

احتميناها بحربٍ كما حرب البسوس=قبل يا نايف تجي من بلاد البوسنه
ندهن اشنابك ونرخي عليها حد موس=شاربٍ ما يقبل الكيف لازم نحسنه

لاتقوله وانت هاك السنه مالك رموس=عايشٍ فتشاد مابين هم وملعنه
ترتعد يمناك ماتلحق اعزاز النفوس=وانت كيفك ببس والببس كيف الورعنه

يا وطنا من شرور السفاهين محروس=كيف يا اهل الميسره تقربون الميمنه
انت ابن عمي ويكفيك تقليع الضروس=لو غيرك لذبحه واتركه ما ندفنه

الوطن دونه رجالٍ على الصعبه تدوس=واقفه ماهمها لو تزيد الطرطنه
اركد اركد منت ذابح واخذ وضع الجلوس=استرح وارتاح قدام حبك نطحنه

يالله اتعز المصلين وتذل المجوس=قدمك الفالح مواطن وحامي موطنه
انت تونس لك من العلم في كبدك ونوس=كم مغبونن سواتك توفى بغبنه

يالله اني طالبك تصلح القلب النجوس=لين تمحي سيته والعوض منك احسنه
مانقلنا الهم مثلك على بيض الطروس=والمصيبه كل شاوي تبا ذوق البنه