نعرف ان الحقو من تحته الارداف=لا تماري بها يا فرحة المصري
يا عتيبه ترى فالشبل خلف اخلاف=نكرم الضيف ما نذبح له البكري

كنت تعتبره اول كامل الاوصاف=مار هالحين فيه تولع الجثري
بعد همل عيال مضيم فالميقاف=ما يلام قحطاني لو شرب كدري

انشد اللي تِعرف ابماضي الاسلاف=يمكن انها توفي ناقص القدري
تعتزي وانت ما تدفع عليك اخلاف=ما يسر العرب من صابه الجدري

منهو اللي سرا ليلته بالكشاف=خزنته بوشت في حزة العسري
ابك انا احرزت مالم تحرز الاشراف=لين كلن تتبع شوري ولامري

تشتكي للشريف وتتبعه واتخاف=فالسنين المضيه كان ما تدري
المغيرق ضحيه والسيوف انحاف=لامرنا تنتهي يا طاير القمري

راح وقت السيوف وروح السياف=علمنا قبل مده كان ماتدري
انت شاعر ولكن العروق اصخاف=اخذلك درس فالقسمه وفالجبري